नगर- कै. रामचंद्र बाबुराव शिंदे (तबलेवाले) यांच्या स्मृतीप्रित्यर्थ शिवरंजन संगीतालयाच्या वतीने ‘ तालनिनाद’ हा कार्यक्रम सादर करण्य...
नगर- कै. रामचंद्र बाबुराव शिंदे (तबलेवाले) यांच्या स्मृतीप्रित्यर्थ शिवरंजन संगीतालयाच्या वतीने ‘ तालनिनाद’ हा कार्यक्रम सादर करण्यात आला. समारंभाला अध्यक्ष म्हणुन माजी आ.शिवसेना उपनेते अनिल राठोड, तर प्रमुख पाहुणे म्हणून सरगम प्रेमी मित्र मंडळाचे अध्यक्ष (संतुरवादक) ज्ञानेश्वरजी दुधाडे उपस्थित होते. हा समारंभ लोकमान्य टिळक सभागृह, जिल्हा वाचनालय, चितळे रोड,अ.नगर या ठिकाणी संपन्न झाला. या प्रसंगी मा. विश्वासराव जाधव हे प्रमुख आमंत्रीत होते.
शिवरंजन संगीतालयाचे श्री लक्ष्मणराव डहाळे सर यांनी आपल्या मनोगतात विद्यालयाचा इतिहास सांगितला. व वाद्याच्या वाढलेल्या किमती तसेच वाद्यांच्या कमतरतेबद्दल खंत व्यक्त केली. ते ऐकून प्रा.सुनिता गुंजाळ यांनी त्वरीत विद्यालयास एक हार्मीनियम भेट म्हणून दिली. श्री. सुरज शिंदे यांनी परिक्षेत यशस्वी झालेल्या मुलांचे कौतुक केले. माजी आ. अनिल राठोड यांनी मुलांना प्रोत्साहनपर गोष्टी सांगितल्या. श्री ज्ञानेश्वर दुधाडे यांनी ‘ रियाज करोंगे तो राज करोंगे’ असा मुलमंत्र दिला. या प्रसंगी सरगम प्रेमी मित्रमंडळाचे उपाध्यक्ष युवा गायक पवन नाई व प्रा.राम शिंदे उपस्थित होते. धनंजय खरवंडीकर व सौ. धनश्री खरवंडीकर यांची सन्मानीय उपस्थिती ही विद्यार्थ्यांना प्रोत्साहन पर ठरली.
