नगर - नगर तालुक्यातील अग्रगण्य अशा साई महिला बिगरशेती पतसंस्थेच्या सभापतीपदी सौ.कालिंदी केसकर यांची तर उपसभापतीपदी सौ.रजनीताई गंधे यांची...
नगर - नगर तालुक्यातील अग्रगण्य अशा साई महिला बिगरशेती पतसंस्थेच्या सभापतीपदी सौ.कालिंदी केसकर यांची तर उपसभापतीपदी सौ.रजनीताई गंधे यांची बिनविरोध निवड करण्यात आली. याआधी संचालक पदासाठी सुध्दा निवडणूक बिनविरोध झाली होती.
एकूण 11 संचालक बिनविरोध निवडून आले, त्यातून सभापती व उपसभापती यांची एक वर्षाकरीता निवड करण्यात आली. कै.डॉ.दिगंबर शंकर गंधे यांनी 1995 साली विशेष प्रयत्नातून स्थापन केलेल्या व पतसंस्थेचा कारभार स्वच्छ व पारदर्शी आहे. या पतसंस्थेच्या एकूण 500 महिला सदस्या असून, विशेष बाब म्हणजे सर्व कर्मचारीही महिलाच आहेत.
या संस्थेमार्फत तालुक्यातील महिला सबलीकरण, सामुदायिक विवाह, रोजगार निर्मिती असे विविध उपक्रम राबवित असल्याचे संस्थेचे मानद सचिव डॉ.सुनिल गंधी यांनी सांगितले. निवडणूक प्रक्रिया पूर्ण करण्याकरिता सहकार खात्याचे दाते, दत्तात्रय चिंतामणी्, व्यवस्थापक सिंधू सौदागर, माजी सभापती डॉ.किर्ती गंधे, नवनिर्वाचित संचालक सौ.लताबाई काळे यांनी विशेष सहकार्य केले.
