नगर - निवडणुका येतील व जातील. त्यानंतर सर्वांनी मतभेद विसरून दुष्काळाला सामोरे जाण्यासाठी सज्ज झाले पाहिजे. सक्षमपणे तोंड देण्याचा प्...
नगर - निवडणुका येतील व जातील. त्यानंतर सर्वांनी मतभेद विसरून दुष्काळाला सामोरे जाण्यासाठी सज्ज झाले पाहिजे. सक्षमपणे तोंड देण्याचा प्रयत्न केला पाहिजे. यावर्षी भीषण दुष्काळ असून, पाणीटंचाईमुळे खूप मोठे संकट ओढवले आहे. याचा मुकाबला करण्यासाठी प्रत्येकाने आपापल्या परीने योगदान देऊन पक्षविरहीत राजकारण करा. हातवळण विविध कार्यकारी सेवा सोसायटी निवडणुकीत जगदंबा विकास आघाडीने निर्विवाद वर्चस्व सिद्ध केल्याबद्दल सर्व नूतन संचालकांचे अभिनंदन करतो, असे प्रतिपादन आमदार संग्राम जगताप यांनी केले.
हातवळण (ता. नगर) विविध कार्यकारी सेवा सोसायटी निवडणुकीत जगदंबा विकास आघाडीने निर्विवाद वर्चस्व सिद्ध केल्याबद्दल त्यांचा आमदार संग्राम जगताप यांच्या हस्ते सत्कार करण्यात आला. यावेळी आ. जगताप बोलत होते. याप्रसंगी बाळासाहेब मेटे, बाळासाहेब कोतकर, रोहिदास साके, गोरक्ष निमसे, शरद नवसुपे, रोहिदास शिंदे, किसन लोळगे, उत्तम वाघ, अंबादास वाघमारे, संदीप नवसुपे, संभाजी शिंदे, सूर्यभान लोळगे, महादेव साके, भास्कर निमसे, अंकुश गव्हाणे उपस्थित होते.
