जिल्हा परिषदेची सभा आज होणार

जिल्हा परिषदेची सभा आज होणार अहमदनगर : जिल्हा परिषदेची तहकूब झालेली २ जूनची सर्वसाधारण सभा आज (दि. २१) आयोजित केली आहे. जि. प. अध्यक...

जिल्हा परिषदेची सभा आज होणार

अहमदनगर : जिल्हा परिषदेची तहकूब झालेली २ जूनची सर्वसाधारण सभा आज (दि. २१) आयोजित केली आहे. जि. प. अध्यक्षा मंजुषाताई गुंड यांच्या अध्यक्षतेखाली सभा होणार आहे. यासभेकडे सर्वांचेच लक्ष लागले आहे. सभा शांततेत पार पडणार असल्याचे बोलले जाते. तहकूब सभेत शिक्षकांच्या समानीकरण बदल्यांवरुन वादंग निर्माण झाले होते. पदाधिकारी विरुद्ध अधिकारी असा वाद रंगला होता. सदरच्या मुद्दय़ावरुन पदाधिकारी, ज्येष्ठ जिल्हा परिषदेचे सदस्य प्रचंड आक्रमक झाले होते. थेट मुख्य कार्यकारी अधिकारी रविंद्र बिनवडे यांनाच टिकीचे लक्ष्य केले होते. 

शिक्षकांच्या बदल्या नियमानुसारच आहेत, असा दावा श्री. बिनवडे यांनी सभेत केला होता तर पदाधिकारी व सदस्यांनी काही बदल्यांबाबत आक्षेप नोंदवला होता. पदाधिकारी व अधिकारी आपल्या मुद्यावर ठाम राहिल्याने सभेत गदारोळ झाला. परिणामी सदस्यांना सभात्याग केल्याने सभा तहकूब करावी लागली. पदाधिकारी व अधिकार्‍यांमधील वाद मिटविण्यासाठी नाशिकचे उपायुक्त श्री. बनकर यांना मध्यस्थी करावी लागली. श्री. बनकर यांची मध्यस्थी यशस्वी ठरली. पदाधिकारी आणि सदस्यांनी सीईओंविरुद्ध घेतलेली आक्रमक भूमिका मागे घेतली. म्हणूनच पदाधिकारी आणि अधिकार्‍यांमधील वाद मिटला. या घटनेच्या पार्श्‍वभूमीवर तहकूब सभा आज होणार असल्याने या कडे सर्वांचे लक्ष लागले आहे. आजच्या सभेत इतर प्रशासकीय खर्चांना मान्यता मिळण्याची शक्यता आहे