जिल्हा सहकारी बोर्डाच्या अध्यक्षपदी सोले तर शेळके उपाध्यक्ष

जिल्हा सहकारी बोर्डाच्या अध्यक्षपदी सोले तर शेळके उपाध्यक्ष; अहमदनगर  अहमदनगर जिल्हा सहकारी बोर्ड लि. अहमदनगर या संस्थेच्या अध्य...

जिल्हा सहकारी बोर्डाच्या

अध्यक्षपदी सोले तर शेळके उपाध्यक्ष;

अहमदनगर 

अहमदनगर जिल्हा सहकारी बोर्ड लि. अहमदनगर या संस्थेच्या अध्यक्षपदी जिल्हा सहकारी बॅंकेचे माजी संचालक पांडुरंग गोपाळ सोले पाटील यांची तर उपाध्यक्षपदी ज्येष्ठ नेते व जिल्हा मध्य सह. बॅंकेचे माजी उपाध्यक्ष विठ्ठलराव शेळके पाटील यांची बिनविरोध निवड करण्यात आली. बोर्डाच्या नूतन संचालक मंडळाची अध्यक्ष, उपाध्यक्ष निवडीची सभा जिल्हा उपनिबंधक सहकारी संस्था संपन्न झाली. त्यात ही निवड करण्यात आली.

पांडुरंग सोले पाटील यांनी अहमदनगर जिल्हा मध्यवर्ती सहकारी बॅंकेचे संचालक, जामखेड खरेदी - विक्री संघाचे चेअरमन, संचालक, जामखेड मार्केट कमिटीचे संचालक म्हणून त्यांनी कामकाज पाहिले आहे. सध्या पश्‍चिम महाराष्ट्र प्रादेशिक सहकारी मंडळ पुणे व रयत शिक्षण संस्था साताराचे उत्तर विभागीय सल्लागार मंडळ अहमदनगरचे विद्यमान संचालक आहेत. विठ्ठलराव शेळके यांनी अहमदनगर जिल्हा मध्यवर्ती सहकारी बॅंकेच्या उपाध्यक्ष व संचालक म्हणून अनेक वर्ष काम केलेले असून अहमदनगर जिल्हा खरेद-विक्री संघाचे संचालक आहेत. 

नूतन संचालक मंडळात अशोक कार्ले, गोरक्षनाथ धनवटे, अँड़ सुभाष डांगे, रेवजी नजन, गंगाधर कानडे, सुभाष डुक्रे, सावळेराव भोसले, लक्ष्मणराव शिंदे, अभय पाटील, श्रीमती साधना पाटील, आण्णासाहेब चौधरी, सौ. जयश्री सोले पाटील, मोहनराव देशमुख, सौ. जयमाला सोले आदी सदस्यांचा समावेश आहे;